صدفة…
شِفِت خِتيار عايش بالجحيم
نايم..
عَ جَنب الدَربْ عَم بِ قِح…
وْمِن ريحتو
عِزّة نَفِس بِتفِح
رِكْبِت بِراسي …وْآخْدو
لْعِند الحَكيم
بَركي وَصَفلو شي دَوا
وِيصُح
نْدَهْت بْهَدَا يا عَم
قوم وْقَاف
إمْشي مَعي وْعَ الله إِتَّكِل
تْعَافَى وْروح غَيِّر هَالشَكِل
قَلّي أنا لْ مِحتاج لِقمِة حَاف
جوعان صَرلي وَقت وبْخَاف
يُوصِفلي دَوا بَعد الأَكِل
بقلم الشاعر علي كحلون
